Mundo

Baon mo noon sa elementarya anim na piso

Mahigit kumulang na bente pesos ng napunta ka sa hayskol

Pero anong pinagbago?

Habang tumatagal lumalaki din naman ang gastos mo

Tumuntong lang ng kolehiyo biglang naging isang daang piso

Wala pa yung photocopy at print ng docs para sa titser mo

Bilang ka ng bilang, wala din namang naiipon

Sa pamasahe palang tastas na sinulid ng pitaka mo

Nagkaroon ka na ng magandang trabaho

Siguro naman meron ng pinagbago

Marami ka na sigurong ipon noh?

Patingin nga ulit ng pitaka mo baka sakaling punong puno ng limang daang piso

Naririnig mo ba?

Nagrereklamo na mga pitaka mo.

Ang hilig mo kasi bumili ng kung ano ano

Bili ka ng bili ng pitaka pero kinukulong mo lang sa loob ng turbo

Ang hilig mo kasi sa night life

Punta dito, punta doon

Lahat nalang ng avenue napuntahan mo

Tapos hahanapan mo si pitaka ng laman pagsapit ng bayaran

Hay.

Reklamo ka ng reklamo.

Hindi ka naman kumikilos.

Galaw galaw para di maistrok.

Tandaan, ikaw ang nagbago

Hindi ang Mundo.

Simula

Letrato ng nakaraan

Bakit ba ang hirap mong kalimutan?

Ilang beses na kita pinalayas

Pero pilit ka pa din lumalabas mula sa kung saan.

Ang alam ko binaon na kita

Doon sa ilalim ng kahon ng nakaraan

Pero bakit ganon?

Lagi mo pa din akong sinusundan.

Sumusulpot ka ng basta lang.

Buwan na ng Pebrero

Marami ng naghahanap ng ermetanyo

Kahit sino, basta lang may ka valentino

Kailangan ba talaga may kaisa?

Bakit ba takot tayong mag isa?

Ikaw, nasubukan mo na ba?

Ang maglakad ng walang kasama?

Masaya.

Depende sayo kung paano mo gagawin.

Maglalakad ka lang naman di ba?

Hindi mo naman na siguro kailangan ng alaga.